02 / 11 · Euskalario
Lau beso. Loturak aurkitzeko lau bide.
Hitz bakarretik harago begiratu. Gakoa beste hitzekin partekatzen duenean dago.
Erronka berria egunero
Inspirazioa
Euskalarioko lauburuak lau beso ditu. Joko honetan, lau hori elkarri lotutako lau hitz-talderen abiapuntua da.
Galtzagorriak mahai gainean nahastu ditu hitzak. Batzuetan gaia partekatzen dute; besteetan, amaiera edo hain agerikoa ez den lotura. Zuk haria aurkitu behar duzu.
Nola jokatu
Bilatu esanahien, hitz-familien edo amaieren arteko loturak.
Hautatu elkarri lotuta daudela uste dituzun lauak eta egiaztatu proposamena.
Asmatzean, taula argitzen da. Lau huts egindakoan amaitzen da partida.
Lantzen duzun euskara
Ezagutzen dituzun hitzen arteko loturak zabaltzen dituzu. Ezagutzeaz gain, zer duten komunean pentsatu behar duzu.
Hamaika proba
Amaitu Lauburu jokoaren partida bat eta gehitu haren marka Hamaika proban. Irabazteak zein galtzeak balio dute; amaitu aurretik ateratzeak ez. Hamaika jokoak osatzean, eguneko txapela lortu eta misio-segidan egun bat gehitzen duzu.
Hamaika jokoakEuskalario appan jokatzen da
Euskalario 2.0 iOS eta Androiderako prestatzen ari gara. Iragarkirik eta aplikazio barruko erosketarik gabe.
